სიახლეები

ღია კარის დღე თემაზე - "მარიხუანა და მისი მოხმარების შედეგები" 2015-10-23 12:07:47

2015 წლის 23 ოქტომბერს ფსიქიკური ჯანმრთელობის და ნარკომანიის პრევენციის ცენტრში ჩატარდა მორიგი ღია კარის დღე თემაზე - „მარიხუანა და მისი მოხმარების შედეგები“.
შეხვედრას ესწრებოდნენ სტუდენტები, მასმედიის წარმომადგენლები, ცენტრის თანამშრომლები.

ღია კარის დღე თემაზე - "სუიციდი და საზოგადოება" 2015-07-23 12:05:59

2015 წლის 23 ივლისს, "ფსიქიკური ჯანმრთელობის და ნარკომანიის პრევენციის ცენტრში" ჩატარდა მორიგი ღია კარის დღე თემაზე - „ სუიციდი და საზოგადოება“.
შეხვედრას ესწრებოდნენ ივანე ჯავახიშვილის სახელობის თბილისის სახელმწიფო უნივერსიტეტის სტუდენტები, მასმედიის წარმომადგენლები, საქართველოს განათლებისა და მეცნიერების სამინისტროს, სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ წარმომადგენლები, ცენტრის სამეცნიერო საბჭოს წევრები, ფსიქოლოგები, ფსიქიატრები და ნარკოლოგები.
თემის მიმართ შეხვედრაზე გამოიხატა მაღალი საზოგადოებრივი ინტერესი და გადაწყდა, რომ უახლოეს მომავალში ფსიქიკური ჯანმრთელობის და ნარკომანიის პრევენციის ცენტრი დაგეგმავს ტრენინგს მედიისთვის.

სემინარი თემაზე - „ახალი ფსიქოაქტიური ნივთიერებები და წამალდამოკიდებულ პირთა ფსიქოსოციალური რეაბილიტაციის თანამედროვე მეთოდები“. 2015-07-08 12:01:46

2015 წლის 7-8 ივლისს პოლონეთის ნარკომანიის პრევენციის ეროვნული ბიუროს წარმომადგენლებმა ჩაატარეს სემინარი თემაზე - „ახალი ფსიქოაქტიური ნივთიერებები და წამალდამოკიდებულ პირთა ფსიქოსოციალური რეაბილიტაციის თანამედროვე მეთოდები“.

უკრაინელი ნარკოლოგების, უკრაინის რეგიონული სამედიცინო დეპარტამენტების და ნარკოლოგიური სამსახურების ხელმძღვანელების სტუმრობა 2015-06-30 11:49:31

2015 წელს, ამერიკის შეერთებული შტატების საერთაშორისო განვითარების სააგენტოს (USAID) მოწვევით საქართველოში იმყოფებიან უკრაინელი ნარკოლოგები, უკრაინის რეგიონული სამედიცინო დეპარტამენტების და ნარკოლოგიური სამსახურების ხელმძღვანელები. 30 ივნისს უკრაინელ სტუმრებს „ფსიქიკური ჯანმრთელობის და ნარკომანიის პრევენციის ცენტრმა“ უმასპინძლა. ვინაიდან უკრაინაში იგეგმება ჩანაცვლებითი თერაპიის სახელმწიფო პროგრამის განხორციელება, ცენტრში ვიზიტის მიზანიც სწორედ იმ გამოცდილების გაზიარება გახლდათ, რომელიც ცენტრმა წლების განმავლობაში სახელმწიფო პროგრამების განხორციელებისას შეიძინა. სტუმრებმა დაათვალიერეს ცენტრის ნარკოლოგიური სტაციონარი, სარეაბილიტაციო ცენტრი და ჩანაცვლებითი თერაპიის განყოფილებები. გაესაუბრნენ ბენეფიციარებსაც. შეხვედრის დასასრულს სტუმრებმა აღნიშნეს, რომ უკრაინაში სახელმწიფო პროგრამის დანერგვის წინ მნიშვნელოვანი იქნება ამ კუთხით საქართველოს მაგალითის გაზიარება. 
2 ივლისს უკრაინელი მედიკოსები ესტუმრებიან ქუთაისს და გაეცნობიან „ფსიქიკური ჯანმრთელობის და ნარკომანიის პრევენციის ცენტრის“ სახელმწიფო ჩანაცვლებითი თერაპიის პროგრამის ადგილობრივი განყოფილების მუშაობას.

სტუდენტებთან შეხვედრა ნარკოტიკული საშუალებების მოხმარებისა და უკანონო გავრცელების წინააღმდეგ ბრძოლის საერთაშორისო დღესთან დაკავშირებით 2015-06-26 11:36:29

2015 წლის 26 ივნისი ნარკოტიკული საშუალებების მოხმარებისა და უკანონო გავრცელების წინააღმდეგ ბრძოლის საერთაშორისო დღეა. ამ დღისადმი მიძღვნილი ღონისძიების ფარგლებში, „ფსიქიკური ჯანმრთელობის და ნარკომანიის პრევენციის ცენტრმა“ თბილისის სახელმწიფო სამედიცინო უნივერსიტეტის, ივანე ჯავახიშვილის სახელობის თბილისის სახელმწიფო უნივერსიტეტისა და სოხუმის სახელმწიფო უნივერსიტეტის სტუდენტებს უმასპინძლა. სტუმრებმა დაათვალიერეს ცენტრი, გაეცნენ მისი მუშაობის სპეციფიკას, მოისმინეს სასარგებლო რჩევები ნარკოლოგებისგანდამიიღესკვალიფიციურიპასუხებისაინტერესოკითხვებზე.
როგორც ცენტრის გენერალურმა დირექტორმა - ბატონმა ლაშა კილაძემ სტუდენტებთან საუბრისას აღნიშნა, ასეთი შეხვედრები ხელს შეუწყობს საზოგადოების და განსაკუთრებით, ახალგაზრდა თაობის ინფორმირებულობის დონის ამაღლებას ნარკომანიასთან დაკავშირებული პრობლემების შესახებ. აქედან გამომდინარე, შეხვედრები რეგულარულ ხასიათს მიიღებს და ღია კარის დღე ჩატარდება ყოველი თვის ბოლო ოთხშაბათს.

ფსიქიატრიული სტაციონარის პაციენტების გამოფენა-გაყიდვა 2015-06-26 11:31:26

2015 წლის 26 მაისს, საქართველოს დამოუკიდებლობის დღეს, ქ.თბილისში, რუსთაველის გამზირზე მოეწყო “ფსიქიკური ჯანმრთელობის და ნარკომანიის პრევენციის ცენტრის” ფსიქიატრიული სტაციონარის 20-მდე პაციენტის ნამუშევრების გამოფენა-გაყიდვა. გამოიფინა თიხის, თექის ნამუშევრები, აქსესუარები და ნახატები. პაციენტების ხელნაკეთმა ნივთებმა საზოგადოების ინტერესი და მოწონება დაიმსახურა. გამოფენა ასევე დაათვალიერა ჯანდაცვის მინისტრმა - ბატონმა დავით სერგეენკომ, რომელსაც სამახსოვროდ გადაეცა სუვენირი.

"ნარკოტიკებისა და ნარკოტიკებზე დამოკიდებულების მონიტორინგის ევროპული ცენტრის" წარმომადგენლების ვიზიტი ცენტრში 2014-10-21 11:29:09

2014 წლის 21 ოქტომბერი. "ნარკოტიკებისა და ნარკოტიკებზე დამოკიდებულების მონიტორინგის ევროპული ცენტრის" წარმომადგენლების ვიზიტი ცენტრში.

"ფსიქიკური ჯანმრთელობის და ნარკომანიის პრევენციის ცენტრის" ბენეფიციარების ნამუშევრების გამოფენა 2014-03-14 11:26:09

2014 წლის 14 მარტს საქართველოს პარლამენტის ეროვნული ბიბლიოთეკის საკონფერენციო დარბაზში "ფსიქიკური ჯანმრთელობის და ნარკომანიის პრევენციის ცენტრის"  ბენეფიციარების ნამუშევრების გამოფენა გიახსნა. ღონისძიება "ფსიქიკური ჯანმრთელობის და ნარკომანიის პრევენციის ცენტრის" ორგანიზებით და ეროვნული ბიბლიოთეკის მხარდაჭერით ჩატარდა.

საქართველოს და პოლონეთის ურთიერთთანამშრომლობა ნარკომანიის პრევენციის საკითხებში 2013-06-20 11:22:58

2013 წლის 18 - 20 ივნისს საქართველოსა და პოლონეთს შორის მიმდინარე პროექტის „საქართველოს და პოლონეთის ურთიერთთანამშრომლობა ნარკომანიის პრევენციის საკითხებში“ მეორე ეტაპი ჩატარდა. "ფსიქიკური ჯანმრთელობის და ნარკომანიის პრევენციის ცენტრში" 3 დღის განმავლობაში მიმდინარეობდა ტრეინინგი, რომელიც მთლიანად დაეთმო ნარკოტიკების მომხმარებლების, მათი ოჯახის წევრებისა და სხვა დაინტერესებული პირებისათვის (მათ შორის, აივ ინფიცირებულთა) ონლაინ საკონსულტაციო ცენტრის შექმნისა და ფუქნციონირებისათვის მინშვნელოვან საკითხებს. ტრენინგი ჩატარდა პოლონური მხარის მიერ "ფსიქიკური ჯანმრთელობის და ნარკომანიის პრევენციის ცენტრის" ორგანიზებით. 

აკადემიკოს ავლიპ ზურაბაშვილის ბიუსტის გახსნა 2013-05-06 11:18:28

2013 წლის 6 მაისს აკადემიკოს ავლიპ ზურაბაშვილის ბიუსტი გაიხსნა